Dahil sa sinabi niya, napag-muni-muni tuloy ako. Totoo b ang sinabi niya? Matatanggap ko ba ito? Ang sagot ko ay “baka”.

Ito ay may pagka-totoo. Hindi na nga naman siya kasing-sikat ng dati. Dati kasi, ang OPM world ay Regine Velasquez world. Kapag tinanong ko ang mga kilala ko kung sino ang gusto nilang singer, si Regine Velasquez ang isinasagot nila sa akin. Pero ngayon nga, hindi na katulad ng dati. Pero masaya ako kasi nasa taas pa rin siya. Hindi man sa pinakataas ngunit isa siya sa mga nasa taas. Kilala pa rin siya ng maraming tao. Naalala ko yung sabi sa SOP dati nung kaarawan niya, “Hindi ka pinoy kung hindi mo kilala si Regine Velasquez.” Isa pa ay mabenta pa rin ang kaniyang mga album. Lahat ng album niya ay imposibleng hindi maging platinum sa maikling panahon lamang. Dagdag pa diyan ay ang mga concert niya. Ito ay napupuno pa rin. Katulad nga lang nung huli niya sa SkyDome, sold-out ang ticket kahit na dalawang linggo ito isinagawa at umuulan pa.

Anuman ang nangyayari sa paligid, isa lang ang mahalaga sa akin at ang pinaniniwalaan ko, mananatili akong taga-hanga ni Regine Velasquez. #